كوينتري هي ثالث شركة اجرب اشحن فيها وشحنت تقريباً ماقيمته ٢٠٠٠ دولار.
والوزن ٤٥ باوند. كانت مغامرة صراحة لكنها تسوى والحمدلله اني استغليت الفرصة
للتسجيل في هذا الرابط
.
الموقع بدائي لكن يمشي الحال.. وفيه مره علق وماقدرت اسوي طلب وانتظرت لليوم اللي بعده!
تسجيلهم للشحنات سريع بنفس يوم الوصول اذا كانت البيانات كاملة وموجود رقم اللوكر.. لكن مثلاً درق ستور مادري ليه يشيل لي نص العنوان لذلك التسجيل اخذ من يوم ليومين.
.
لما جيت اعبي البيانات ولاني اخترت Qwintry air فالموضوع كان معقد لانهم يطلبون تفاصيل دقيقة جداً.
في البداية اخذته بجدية واكتب التفاصيل وزيادة لكن في اخر الشحنات اكتفيت بوصف عام وترجمته واسم الموقع بس. ومشى الوضع
.
طبعاً ولان المجموع كان ٤٥ باوند والحد الاقصى هو ٤٠ ارسلت لهم ايميل بانه ليه مايمشون لي هالخمسة ومع التجميع اكيد بتصير اقل من ٤٠! ارسلت لهم يوم ٢٧ وردوا علي يوم ٣٠ 🙂 كنت سويت طلبين اصلاً ٢٠ باوند هنا و٢٥ هناك.
ردهم كان: سوي طلب ب ٤٠ باوند واكتبي بالكومنت ارقام الشحنات اللي تبين تضيفينها. وانه مايرشحون هذي الطريقة لان في بعض الدول الوزن الكبير يتعقد موضوعه والافضل هو ٣٢-٣٤ باوند لكل شحنة.
.
حطيت الكريمات والاجهزة بشحنة وطلبت عليها تغليف زيادة ب ٣ دولار. وهم اساساً ياخذون على التغليف ٨ دولار! وفوق هذا انكبت زبدة الشيا بس الحمدلله كل شيء كان بكيسته وماتضرر شيء.
.
كنت ماخذتها من امازون ارسلت لهم في الشات وارسلوا لي المبلغ في نفس اليوم.
تغليفهم الزايد مايسوى يعني مالاحظت فيه فرق بين الكرتونين غير انه في قطعة تحت الكرتون بس.
.
.
التتبع حقهم من اسوأ مايكون.. الشركة هي ارامكس لكن مايعطونك الرقم الخاص فيها.
كلمتهم في الشات مرتين. مره قال لي اذا وصلت لبلدك بنرسل لك التتبع.. والمره الثانية قالت لي مافيه رقم تتبع غير اللي عطيناك.
.
مكتوب في الموقع انه من المفترض توصلك من ١٥-٢٠ يوم لكن بالضبط خذت ٩ ايام لين وصلت البيت.
.
.
السعر قبل الخصم كان ٢٥٦ دولار.
وبعده ١٣٧ دولار.. خصم عظيم
.
في النهاية هي شركة واضح محترمة وكويسة لكن مب الافضل.
الشات عندهم ٢٤ ساعة وللامانة سألت مليون سؤال وكلها ردود سريعة ويوضحون لي اي شيء ابيه.. ماعدا الحد الاقصى للشحنة قالوا لي اراسلهم عالايميل…
.
يعني في حالة خصومات زي كذا راح اشحن معها اكيد.. لكن في الشحنات العادية افضّل ستاكري و ماي يو اس.
بس ممكن لو يطورون موقعهم اتعامل معاهم دايماً.
.
. تجربة الاخت ملاك
