(( نبذه عن الجهاز: من اقوى واحسن اجهزة الكيرلي الي جربتها بحياتي, وايد قوي وحار بس بنفس الوقت مايحرق الشعر + ماتحتاجين مثبت للشعر او سبريه اواي شي بعد استعماله, ضروري يكون عند كل بنت بالذات الي شعرها ناعم وصعب تثبته, طلبوه وادعولي.))
من اكثر المنتجات الي اشوفها تنباع باكاونتات وسيطة بالانستغرام
وعن نفسي قبل سنتين ماكنت اعرف اشتري من النت واطلب اونلاين فكانت اكاونتات الانستغرام والمتاجر اسهل لي واسرع وللاسف وطلبت جهاز جوسي من اكاونت كويتي ب35 دينار /121 دولار, الصدمة لما دخلت امازون الامريكي وشفته ينباع ب11.5 دينار/ 40 دولار بس !
Jose Eber Pro Series 25mm Giraffe Print
جربت اطلب نفس النوع الي عندي للتاكد من جودته واذا كان فعلا نفسه, هذا اهوا بدون التوصيل 39.99 دولار
مالقيت من هالنوع شحن مباشر لي عنواني بالكويت, فشحنته لي عنواني الامريكي من بوستا بلس
مع الشحن لي العنوان الامريكي طلع سعر الجهاز 45 دولار, ومن امريكا لي الكويت على شركة بوستا بلس سعر الشحن لي بيتي كان 6.5 دينار/ 22.5 دولار
يعني كل الي دفعته على الجهاز طلع علي تقريباً 20 دينار /69 دولار
فرق 15 دينار عن سعره بالكويت وبعد التجربه تم التاكد ان نفس الجهاز ونفس الجودة (الجهاز معاه Heat Resistant Glove لانه وايد حار)
طلبت نفس الجهاز مره ثانيه لون ثاني وكان هالمره شحن مباشر من امريكا لي عنواني بالكويت
Jose Eber Curling Iron, Pink 25mm
سعر الجهاز بدون الشحن 14 دينار/49.9 دولار
مع الشحن 19.5 دينار/ 67.6 دولار
ملاحظة: الدفع بالشحن المباشر يكون مرة وحدة بامازون, ماتدفع شي لما يوصل البيت.
