هذا شرح لعدة منتجات للعناية بالشعر والبشرة لإحدى المتابعات قامت بشراءها وتجربتها شخصيا
.
1- سيرم زيت الارقان من كوكوكير
الماركة حلوة و منتجاتها معروفه منها زيت خطوط تمدد الجسم
السيرم جدا جميل و انصح فيه غير دهني يعني ما يدهن الشعر و مناسب للشعر الدهني و الجاف
.
.
2- منتجات ديرما إي غنيه عن التعريف
الزيت هذا انصح فيه بكل مافيني من قوة لان مفعوله يبين ب اسبوع او اقل اذا استخدم صح
يعالج مشاكل الاظافر بوضعه مرتين باليوم على الاظافر مع التدليك بأسبوع راح اتشوفين فرق جدا كبير
علاج للجلد الناشف للرجال و النساء مع اي كريم تستخدمونه ضع كم نقطه و للرجال اذا منطقة الوجه يعانون من جفاف او نوع من حساسية بسبب الشعر و الحلق حل مؤقت لكن مو علاج طبعا لازم طبيب مختص بالجلد
و الشعر ضعي كم نقطة منها يمسك الشعر و منها يعطي لمعه صحيه
.
.
3- منتج ثاني من نفس الشركة العجيبه
تونر يوحد و يصفي البشره و يفتح البقع الداكنه بشكل ملحوظ
استخدامه سهل بعد غسل الوجه من اي كريم و مكياج ب قطنه شوي و مسحي الوجه بس ممكن يسبب جفاف خفيف للبشرات الجافه جدا
ف اللي بشرتها جافه مره وحده باليوم في المساء
المختلطة و الدهنيه مرتين مره في الصباح و مره في المساء
بديل لماركات مثل كليرانس و غيرها ارخص و نفس المفعول
.
.
4- بحكم انه بشرتي دهنيه جدا جدا جدا ادور اشياء اتساعدني على حل المشكله
شركة نيوتروجينا عالميه و معروفه هذا برايمر ل مشكلة البشرة الدهنية
طبعا مكون من بروتين الارز يعني عند الاستعمال راح اتحسين ب حبيبات صغيره ف ما انصح استعماله تحت المكياج مع اني جربته و كان عادي مع المكياج لكن افضل استخدامه للطلعات بدون مكياج و بعده حماية الشمس جدا حلو و يظل الوجه طول الطلعه غير لامع بديل لماركات مثل ذا بالم و غيرها سعره اقل ب ٥٠٪ و اكثر
.
.
5- معاناة الايلاينر لا تنتهي
وهذا المنتج القلم السحري المنقذ يمسح الجزء اللي تبينه بس
منتج شركة ألف
شركة تجميل و مكياج طبيه و اغلب منتجاتهم تباع بالصيدليات نصيحه للذين يستعملون مكياج كل يوم تقريبا و الميك اب ارتست هذا المنتج مصنوع لكم و سعره رخيص لو بالكويت ٣ دنانير اقل شي سعره
.
.
6- منتج ثاني من نفس الشركة
استعمله على البيوتي بلندر و ضبط
طبعا كنت حاطه فوديشن فل كڤر ثقيل و بسرعه ينشف لان بشرتي دهنيه من ديور حطيت منه عالبيوتي بلندر و وزعت الفونديشن و حبيته
سعره حلو و اظن انه مناسب لكل انواع البشره حتى الجافه وراح ينفعها بتوزيع الفونديشن انصح فيه للاستخدام اللي ذكرته بس مو اللي الشركة كاتبته عالعلبه
.
.
و هذي بعض من المنتجات اللي شريتها من iherb و حبيتها طبعا في اكثر و ان شاء الله اذا عجبكم الموضوع راح اسوي بوست ثاني باذن الله
